Ingerlataq meeqqat oqalliffiat

MIPIp ingerlataani Meeqqat Oqalliffiat-ni meeqqat inuusuttullu, meeqqat pisinnaatitaaffii pillugit sullissivissamut, Meeqqat illersuisuannik taajorneqartumut isumaat ersersinneqarpoq. Inatsisissatut siunnersuut 2011 Ukiakkut ataatsimiinnermi oqallisigineqassaaq.

MIPI isumaqarpoq, meeqqanut inuusuttunullu tunngasunik aalajangiisoqassatillugu pingaaruteqartoq meeqqat inuusuttullu namminneq akuutinneqartarnissaat. Taamaallilluni MIPI december 2010-mi misissuinermik aallartitsivoq, katersorusullugit meeqqat inuusuttullu isumaat annikkusutaallu meeqqat pisinnaatitaaffii pillugit sullivissamut tunngasinnaasut. Apeqqusiarineqartut nuna tamakkerlugu atuarfinnut tamanut nassiussuunneqarput, peqataaqqusinermut kajumissaatitallit aammalu nassuiaat peqataanermi sunniuteqarluarnissamik periarfissaqarneranik. Peqataasut akissutaat aallavigalugit MIPI nalunaarusiorpoq, meeqqat inuusuttullu isumaat pingaartitaallu aallavigalugit meeqqat pisinnaatitaaffii pillugit sullissivissamut tunngassuteqartut.

Uani nalunaarusiaq kalaallisut allanneqarsimasoq atuarsinnaavat (pdf-fil 276 KB).

Nalunaarusiaq Naalakkersuisut Inatsisartullu 2011-mi Ukiaanerani ataatsimiinnissaat sioqqullugu politiker-inut nassiussuunneqarpoq.

MIPIp pingaartippaa peqataasimasut peqataasimanerannik takussutissaasinnaasumik utertitsivigineqarnissaat. Taamaalilluni “atuagaaraliortoqarpoq”, assiliarsuartalimmik meeqqanut inuusuttunullu tulluussakkamik, taakkulu nuna tamakkerlugu atuarfinnut nassiussuunneqarumaarput.

“Atuagaaraq” kalaallisut allassimasoq uani (pdf-fil 9,54 MB) takusinnaavat aammalu assiliarsualiaq uani ilaatinneqarpoq (pdf-fil 3,92 MB).

MIPIp meeqqat inuusuttullu misissuinermut peqataasimasut tamakkerlugit qutsavigerusuppai, piffissaqarlutik maani ingerlatami peqataasinnaasimammata.